डोटीः स्थानीय तहको निती निर्माणमा सम बिकास केन्द्र नेपाल (ईडिसी) डोटीले सहजिकरण गरेको छ । जिल्लाका तिन स्थानीय तह शिखर नगरपालिका, केआइसिंह गाउँपालिका र जोरायल गाउँपालिकामा सुशासन प्रर्बद्धनका लागी आवश्यक पर्ने नीतिहरू निर्माणमा सहजिकरण गरेको सम बिकास केन्द्र नेपालका अध्यक्ष अधिराज बिसीले बताए ।

मङ्गलवार केआईसिंह गाउँपालिकालाई लैङ्गिक समानता तथा सामाजिक समावेशीकरण निती, विषयगत समितिको काम कर्तव्य र अधिकार सम्बन्धी कार्यविधि र गैर सरकारी संस्था समन्वय र परिचालन निती हस्तान्तरण गरिएको अध्यक्ष बिसीले जानकारी दिनु भएको छ । ईडिसी मार्फत सञ्चालनमा रहेको परिबर्तन परियोजनाले सहजिकरण गरेका नीतिहरूमा मस्यौदा तयार गरी कार्यपालिका तथा गाउँ सभामा समेत छलफल गरी पास गरिएको परिबर्तन परियोजनाका जिल्ला संयोजक महेश परियारले बताए । परियारले भने ‘सुशासन कायम गर्नका लागी आवश्यक पर्ने नीतिहरूमा ईयु, डिसिय र ईनलोगोसको प्राविधिक सहयोगमा सम बिकास केन्द्रले सहजिकरण गरिहरेको छ ।’

केआईसिहं गाउँपालिका र सम बिकास केन्द्रको संयुक्त साझेदारीमा निमार्ण गर्ने उद्देश्यका साथ सामुदायिक शिशु स्याहार केन्द्रको भवनको शिलान्यास गरेको छ । महिला अधिकार मञ्चको अगुवाइमा महिलाको कार्य बोझलाई कम गर्ने हेतुले स्थापना गर्न लागिएको उक्त भवन निमार्णका लागी सम बिकास केन्द्रको ८ लाख र केआइसिंह गाउँपालिकाको ४ लाख र २ लाख बराबरको महिलाको श्रमदान गरी कुल १४ लाख बराबरको लगानीमा भवन बन्ने भएको छ । भवनको गाउँपालिकाका अध्यक्ष लोकेन्द्र शाहीले शिलान्यास गरेका छन् ।

सम विकास केन्द्र नेपाल संस्थाको स्थानीय अधिकार र कार्यान्वयन कार्यक्रम अन्तर्गत द महिला नेटवर्क परियोजना लगायत बिभिन्न परियोजनाले दिपायल सिलगढी नगरपालिकाको वडा नम्बर ४ र ५ का बिभिन्न क्षेत्रमा गरेको कार्यको बुधबार अनुगमन गरेको छ । संस्थाले विभिन्न क्षेत्रमा नेतृत्व सिप बिकास दिगो जिविकोपार्जन, बाख्रा, गाइ पालन, किराना पसल, तरीका खेती, सिलाइ कटाइ लगायतका क्षेत्रमा भएको परिवर्तनको सरोकारवालाले अनुगमन गरेको छ ।

कार्यक्रम अन्तर्गत महिलालाइ केही कामको कार्य बोझ कम भएको, महिलाको नाममा लालपुर्जा पाउने कुरा, बहुबिबाह छाउपडि महिला हिँसा, समान कामको समान ज्यालामा हुने बिभेदमा कमि आएको प्रगति महिला समुहकी अध्यक्ष नन्दा पार्किले बताउनुभयो । त्यस्तै दिपायल सिलगढी नगरपालिका वडा नम्बर ५ पुनाका बासिन्दाहरु बर्षौ देखि पानीको अभाब झेल्दै आएका थिय। अहिले दिपायल सिलगढी नगरपालिका वडा ५ र सम बिकास केन्द्रको सहयोगमा पानीको ब्याबस्था भएपछि तकारी खेति गरेर खाने भएका छन । बाहिर बाट नकिनेर आफ्नै बारीको तरकारी खाने गरेको स्थानीय हरीमाया धामीले बताउनुभयो

अनुगमनमा निष्केका गैर सरकारी संस्थाका अध्यक्ष रघु कठायतले महिलाहरुको अवस्थामा थोरै भएपनि परिवर्तन भएको भन्दै बधाई तथा सुभकामना दिनुभएको थियो। सरकारी र गैरसरकारी संस्थाले महिलाको क्षेत्रमा यतिको लगानि गर्ने हो भने चुलोचौकोबाट बाहिर आउन सक्ने जिल्ला समन्वय समिति डोटीका उप प्रमुख ससि सोपले बताउनुभयो ।

सम बिकास केन्द्र इडीसी नेपाल, डोटी दलित महिला सिमान्तकृत समुदायको हक, अधिकार सहित समतामूलक समाजको स्थापनाको उदेश्य लिएर समग्र क्षेत्रको बिकासको लागि बिगत २४ बर्षदेखि डोटी जिल्लामा क्रियाशील रहेको छ।अनुगमनमा गैरसरकारी संस्था का अध्यक्ष रघु कठायत,सम बिकास केन्द्र का अध्यक्ष अधिराज बि सि,द मिहिला नेटवर्क परियोजना परिचालक रमा भण्डारी बाल प्रायोजन अधृिकत नरेन्द्र बि क, स्थानीय अधिकार अधिकृत केशव परियार लगायत पत्रकारको सहभागिता रहेको थियो।

विश्वभर महामारीका रुपमा फैलिएको कोरोना भाईरसका रोकथाम, नियन्त्रण तथा उपचारमा सहयोग पुर्याउने उद्धेश्यले डोटीमा क्रियाशील गैर सरकारी सँस्था सम विकास केन्द्र (इडिसि) नेपाल डोटीले दोश्रो चरणमा स्वास्थ्य सामाग्री सहयोग वितरण गरेको छ ।
जस अन्तरगत बुधबार दिपायल सिलगढी नगरपालिकालाई २ लाख ३२ हजार ३ सय ५० रुपैंया बराबरका सामाग्री हस्तान्तरण गरेको छ ।
डिसिएको सहयोगमा इडिसिका अध्यक्ष अधिराज बिसिले दिपायल सिलगढी नगरपालिका प्रमूख मञ्जु मलासीमार्फत नगरपालिकाको स्वास्थ्य शाखा संयोजक गणेश भण्डारीलाई उक्त सामाग्री हस्तान्तरण गरेका हुन् । नगरपालिकाभित्रका विभिन्न वडामा रहेका ८ वटा स्वास्थ्य सँस्थाहरुलाई प्रति सँस्थालाई २९ हजार ४३ रुपैंया बराबरका स्वास्थ्य सामाग्रीका दरले सहयोग प्रदान गरिएको इडिसिका कार्यक्रम संयोजक महेश परियारले जानकारी दिए ।
कोरोना भाईरस विरुद्ध डटेर सामाना गरिरहेका स्वास्थ्यकर्मीहरुको उच्च सम्मान गर्दै र थप मनोबल बढाउन पनि स्वास्थ्य सामाग्री सहयोगले मद्दत पुग्ने विश्वास रहेको संयोजक परियारले बताए ।
स्वास्थ्य सामाग्री बुझ्दै कोरोना महामारीको समयमा नगरपालिकालाई स्वास्थ्य सामाग्री सहयोग प्रदान गरेकोमा नगर प्रमूख मलासीले इडिसि नेपाललाई विशेष धन्यवाद दिइन् । यस्तै इडिसिले बुधबार नै जिल्ला अस्पताल डोटीलाई पनि स्वास्थ्य सामाग्री सहयोग प्रदान गरेको छ ।
अस्पताललाई १ लाख ९७ हजार ९ सय ७६ रुपैंया बराबरका सामाग्री सहयोग गरेको इडिसिले जनाएको छ ।
व्यक्तिगत सुरक्षा सामाग्री (पिपिइ) सेट, पञ्जा, चश्मा, जुत्ताको कभर, टाउकोमा लगाउने बफ्यान्ट क्याप, डिस्पोजल ब्याग, सर्ज��कल मास्क, एन नाईन्टीफाईभ मास्क, गमबुट, थर्मल गन, सेनिटाइजर लगाएतका सामाग्री सहयोग प्रदान गरेको हो ।

यस्तै इडिसिले डोटीमा क्रियाशील तथा उपलब्ध भएसम्मका पत्रकारहरुलाई पनि स्वास्थ्य सामाग्री सहयोग प्रदान गरेको छ ।
कोरोना महामारीमा पनि आफ्नो स्वास्थ्यको प्रवाह नगरी रिपोर्टिङ्गमा खटिने पत्रकारहरुलाई सहजता होस भनि एन नाइन्टी फाइभ मास्क, सर्जिकल मास्क, पञ्जा, सेनिटाइजर लगाएतका सामाग्री सहयोग प्रदान गरेको हो ।
बुधबार नै जोरायल गाउँपालिकाका लागि पनि स्वास्थ्य सामाग्री पठाईएको र विभिन्न स्थानीय तहहरुलाई ‘फुडप्याक’ समेत सहयोग गर्ने योजना रहेको इडिसिले जनाएको छ ।
यस पूर्व पनि जिल्लाका विभिन्न स्थानीय तहका २१ स्वास्थ्य सँस्थाहरुलाई स्वास्थ्य सामाग्री सहयोग, झण्डै ५ सय घरपरिवारलाई खाद्यान्न राहत र गर्भवति तथा सुत्केरी महिलालाई पोषणयुक्त खानेकुरा वितरण गरिसकेको इडिसिका अध्यक्ष अधिराज बिसीले जानकारी दिए ।
यतिबेला भारतबाट जिल्लामा भित्रिने मानिसको संख्या बढ्दै गएकाले क्वारेन्टाइन व्यवस्थापन गर्न समस्या रहेकोमा यस विषयमा पनि स्थानीय तहहरुसँग समन्वय गरेर गर्न सकिने सहयोग बारे पनि सँस्थामा छलफल भईरहेको अध्यक्ष बिसिले बताए ।